Marlarmyaing for All. Let's grow together !

မတ်လအတွက် စိုက်ပျိုးရေးဆိုင်ရာ အကြံပြုချက်များ

ဈေးကွက်စီးပွားရေးစနစ်တွင် ကိုယ်ရကိုယ်ယူကိုယ်ဦးကိုယ်စားစိတ်နေသဘောထားအပြင် လိမ်လည်လှည့်ဖြားကိုယ်ကျိုးစီးပွားကြီးထွားနေသမျှ လယ်ယာကဏ္ဋယခင်ကအတိုင်းသာရှိမည်။ အကျိုးအမြတ်ကို သေချာစေရန်နှင့် လုပ်ကိုင်သူအားလုံး အကျိုးတူ အချိုးကျခွဲဝေခံစားနိုင်ရန် လက်တွေ့အစီအမံပါမှသာ စိုက်ပျိုးရေးလုပ်ငန်းရွှေခေတ်သန်းစေမည်။

လယ်ယာဥယျာဉ်လုပ်ငန်းစဉ်
————————————-

နှံစားသီးနှံ – နွေစပါးရိတ်သိမ်းချိန် မိုးလေလွတ်ရန်နှင့် အသီးဖြိုင်စေရန် သိုင်အိုယူရီးယား ဇီဝစူပါ မာလ်တီကေရွက်ဖျန်းမြေဩဇာများနှင့် ပက်ဖျန်းနှိုးဆွပါ။ အထက်မြန်မာပြည်နွေစပါးဧရိယာများမြေယာပြုပြင်ချိန်ဖြစ်ပါသည်။ နေရွက်လှေကွန်ပလက်၊ ယူရီးယား၊ ပိုတက်ဓာတ်မြေဩဇာများကို သဘာဝမြေဩဇာများနှင့် (၁:၃) ရောစပ်ဖြည့်သွင်းပေးပါ။စပါးအပင်ပေါက်ပြီးစတွင် အမ်-ပေါင်းဆေးဖြင့် ပေါင်းမြက်များအုပ်သတ်ပေးပါ။ နွေစပါးများပင်ပွားအားကောင်းရန် ရေသွင်းရေခန်းစနစ်ကျင့်သုံးပါ။ ဒေါင်းမြီးပျံ၊ခွေးမြီးပုတ်မြက်များ
မှ ကာကွယ်ရန် အမ်ပေါင်း နှိမ်နင်းရန် အမ်ပေါင်းရှင်းကို စပါးသက်တမ်းတလမတိုင်မီ အသုံးပြုပါ။

စက်မှုသီးနှံ- ရာဘာပင်များ ရွက်သစ်ဝေပါက အစေးပြန်လှီးပါ။ ရေပေးနိုင်ပါက တပတ်တကြိမ် ရေဝဝပေးသွင်းပါ။ ရေမပေးနိုင်ပါက ရွက်ခြောက်၊ မြက်ခြောက်၊ ကောက်ရိုး၊ ပလပ်စတစ်မျိုးဘောင်ကာများဖြင့် ရွက်ဖျား စက်မှုသီးနှံ- ရာဘာပင်များ ရွက်သစ်ဝေပါက အစေးပြန်လှီးပါ။ ရေပေးနိုင်ပါက တပတ်တကြိမ် ရေဝဝပေးသွင်းပါ။ ရေမပေးနိုင်ပါက ရွက်ခြောက်၊ မြက်ခြောက်၊ ကောက်ရိုး၊ ပလပ်စတစ်မျိုးဘောင်ကာများဖြင့် ရွက်ဖျားပတ်လည်အောက်ဖုံးကာပေးပါ။ ဆီအုန်း၊ကြံ၊ကော်ဖီ၊ကိုကိုးသီးနှံများ ကြွက်၊ပွေး၊ခြ၊ပုရစ်၊ဖိုးလမင်းကျိုင်း၊မြေအောင်းပိုးများကင်းထောက်နှိမ်နှင်းပါ။အမ်-ဖြူရန်၊ဆဲလ်ဖေါစ့်ဆေးများအသုံးပြုပါ။ပလပ်စတစ်မီးရှို့ပြီးမီးခိုးအားတွင်းများအတွင်းမှုတ်သွင်းပြီးတွင်းအလုံပိတ်ထားပါ။

ဥယျာဉ်ခြံသီးနှံ – စပ်မျိုးသစ်ခွ၊သဇင်၊ပိန်းပန်းနှင့် အိုးစိုက်အလှပင်ငယ်များ၊ပျိုးပင်ငယ်များ နံနက်နေရောင်ခြည်ကိုသာခံယူပါ။ တနေ့တစ်ကြိမ် ဆေးဖျန်းပုံး (သို့မဟုတ်) အပေါက်သေးရေပန်းခရားနှင့်ရေလောင်းပါ။အိုးမရှိသောဗင်ဒါသစ်ခွများတနေ့(၂)ကြိမ်လောင်းပါ။ရွက်သားများရှုံ့ခြင်း၊ဝါခြင်းမရှိပါစေနှင့်။အပူဒဏ်မှခုခံနိုင်ရန် အမိုင်နိုပါဝါတပတ်တကြိမ်ပတ်ဖျန်းပေးပါ။မွန်းလွဲနှင့်ကျနေကိုလုံးဝမခံရပါစေနှင့်။

ဖေဖော်ဝါရီလအတွက် စိုက်ပျိုးရေးဆိုင်ရာ အကြံပြုချက်များ

– ကျေးလက်နေလူငယ်များ ဗီဇနှင့် ပတ်ဝင်းကျင်အရ ကာယစွမ်းရည်ပြည့်ဝကြံ့ခိုင်ပြီး ဖြစ်ကြသည်။ ဘွဲ့ရများဖြစ်အောင် ကြိုးစားနိုင်ကြလျှင် ဉာဏစွမ်းရည်ပါ တိုးတက်ပိုင်ဆိုင်လာကြမည်။ ဘဝတွက်တာ ကာယရော ဉာဏပါနှစ်ဖြာကြိုးကုတ်အားထုတ်တတ်မှသာ အသိပညာ မချို့တဲ့သောတကယ့်ပညာတတ်များဖြစ်ကြမည်။

လယ်ယာဥယျာဉ်လုပ်ငန်းစဉ်
နှံစားသီးနှံ – မိုးစပါးမှ ရိုးပြတ်များအား ပိုးမွှားရောဂါမကျခဲ့လျှင် မီးလုံးဝမရှို့ပါနှင့်။ အီးအိမ်၊ အိုင်အမ် ဇီဝဖျော်ရည်များ ပက်ဖျန်းကာ ထယ်ထိုး မြေမြှုထားပါ။ အလားတူ အခြားသီးနှံပင်ကြွင်းများကိုလည်းဆောင်ရွက်ထားပါ။နွေစပါးတွင်ရွက်လိပ်ရွက်ကပ်၊ ကျောက်ဆူး၊ကြက်သွန်မြိတ်၊ဆစ်ပိုးနှင့် နီမတုတ်ရော်ဂါများကျရောက်တတ်သည်။အမ်-ဖိတ်၊ ပေ့စ်ဆေးများဖြင့်ကြိုတင်ပက်ဖျန်းကာကွယ်ထားပါ။ဂုတ်ကျိုး၊ရွက်ဖုံးပုတ်၊ရွတ်ညိုပြောက်ရောဂါများကျရောက်တတ်သည်။အမ်-မီသိုမော့ဘူဆန်ဆေးများဖြင့် ကြိုတင်ပက်ဖျန်းကာကွယ်ထားပါ။နွေစပါးများ ပင်ပွားအားကောင်းရန် ရေသွင်းရေခန်းစနစ်ကျင့်သုံးပါ။ဒေါင်းမြီးပျံ၊ခွေးမြီးပုတ်မြက်များမှ ကာကွယ်ရန် အမ်-ပေါင်း နှင့် မြက်မပေါက်မီ ပက်ဖျန်းအုပ်ကာပေးပါ။
ပဲမျိုးစုံ – ငမြှောင်တောင်၊ပွင့်ထွေးပိုး၊ သီးတောင့်ထိုးပိုးများ ကျရောက်တတ်သည်။အမ်-ကလိုဆိုက်ပါဆေးဖြင့် ပက်ဖျန်းနှိမ်နင်းပါ။ ငမြှောင်တောင်ကို လက်ဖြင့် ကောက်ယူခြင်း၊နေဝင်ချိန်ကြိုးတန်းရိုက်ခြင်းဖြင့် သက်သာစေနိုင်သည်။ဖားဥမှို၊သံချေး၊ရွက်ခြောက်၊ မှည့်ပြောက်စွန်းရောဂါများဝင်ရောက်နိုင်သည်။အမ်-ဟက်ဇာ၊ဒီကိုနေးဆေးများဖြင့် ပက်ဖျန်းနှိမ်နင်းပါ။စိုက်ခင်းကိုတပတ်နှစ်ကြိမ်ကွင်းဆင်းစစ်ဆေးပါ။ပိုးမွှားရောဂါဖြစ်စတွင်တွေ့ရပါက ဆေးအသုံးပြုမှုကိုလျှော့ချနိုင်ပြီးပင်ပန်းမှုသက်သာကာသီးနှံထွက်ကို မထိခိုက်စေပါ။ မိတ်ဆွေပိုးများကိုလည်း ကာကွယ်ပြီး ဖြစ်သည်။
ဥယျာဉ်ခြံသီးနှံ – သရက်၊ပိန္နဲ၊ကျွဲကော၊ ဒူးရင်း၊နဂါးမောက်၊လိမ္မော်၊ သစ်သီးပင်များ အရောင်လှ၊ အရည်ရွှမ်းရန်ခူးကာနီး တပတ်အလို အပြာရောင်အိတ်စွပ်ပေးပါ။အစေ့ထိုးကျိုင်း၊အသားထိုးပိုးမှ ကာကွယ်ရန် အဝါရောင် အိတ်စွပ်ပေးပါ။ သီးထိုးယင်အားကာကွယ်ရန် မီသိုင်းယူဂျီနောဖြင့် ထောင်ချောက်ဆင်၍ အဖိုများဖမ်းဆီးရှင်းလင်းပါ။

၂၀၁၇ ခုနှစ် ဇန်နဝါရီလအတွက် မာလာမြိုင်ရဲ့ စကားလက်ဆောင်

– ပညာခေတ်တွင် ကျေးလက် လူငယ်များ ဉာဏ်ပညာတိုးပွားကာ ဘိုးဘွားအမွေ လယ်ယာ မြေ ကို ဆင့်ကမ်းဆပွား တိုးတက်အောင် ကြံဆကြိုးစားရင်း ကုန်ထုတ်စွမ်းအားမှာ ဝင့်ကြွားနိုင်ကြပါစေ ။

*** လယ်ယာဥယျာဉ် လုပ်ငန်းစဉ် ***

” နှံစားသီးနှံ”

– မိုးထွက်စပါး ၊ ဂျုံပြောင်း ၊ မျိုးစေ့နှင့် စားဆံများ လှောင်ထား သည့် နေရာအစိုဓာတ် နှင့် အပူချိန် စစ်ဆေးပါ။ အထက်အောက်လှန်ပေးပါ။ ပိုးမွှာသန့်ရန် ဆဲလ်ဖေါစ် အဆိပ်ငွေ့ဆေးအသုံးပြုပါ။
– ဆောင်းစိုက်ဂျုံ ၊ ပြောင်းသီးနှံခင်းများ ၊ ငမြောင်တောင် ၊ ပင်စည်ဖောက် ၊ ဖူးထိုးပိုး ၊ ရွက်စားကျိုင်းများ ကျရောက်တက်သည်။ အမ်-ဒိုင်မီပင်လုံးပြန့်ဆေးဖြင့် ကြိုတင်ကာကွယ်ပက်ဖြန်းထားပါ။
– နွေစပါးများ ပင်ပွားအားကောင်းရန် ရေသွင်းရေခန်းစနစ်ကျင့်သုံးပါ။ ဒေါင်းမြီပျံ ၊ ခွေးမြီးပုတ်မြက်များမှ ကာကွယ်ရန် အမ်-ပေါင်းနှင့် မြက်မပေါက်မီ ပက်ဖြန်းကာ အုပ်ပေးပါ။

” ပဲမျိုးစုံ ”

– မတ်ပဲ ၊ ပဲတီစိမ်းတို့တွင် ယင်ဖြူများ တစ်နှစ်ထက် တစ်နှစ်အကျများလာကြောင်း သတိပြုပါ။ ပင်စည်ထိုးယင်များလည်း ရံဖန်ရံခါ တွေ့ရတက်ပါသည်။ အမ်-မီဒါဖြင့် ကြိုတင်ပက်ဖြန်း ကာကွယ်နိုင်ပါတယ်။ အများစုပေါင်း၍ တစ်ချိန်တည်း တစ်ပြိုင်တည်း ဆောင်ရွက်ပါ။ ပင်ပိုင်းကြီးထွားချိန်ဖြစ်၍ အရွက် ၊ အကိုင်း ၊ ပင်စည်ကြီးထွား ပြန့်ကားရန် ဟိုက်ပါဂရိုး ( ၃၀:၁၀:၁၀) ကို ပန်းမပွင့်မီ အနည်းဆုံး (၃) ကြိမ် ပက်ဖြန်းပါ။ ဘွန်းဖလားဝါးရွက်ဖြန်းကို အပင်သက်တမ်းတစ်လျှောက် ဖြည့်စွက် သုံးစွဲပါ ။

” ဥယျာဉ်ခြံသီးနှံ ”

ပွင့်သီးချိန်ထွားဆဲ သရက် ၊ ဒူးရင်း ၊ ပိန္ဒဲ ၊ ထောပတ် ၊ လိမ္မော် ၊ ကြက်မောက် သီးနှံများ နေရွက်လှေပိုတက် နှင့် တီစူပါ မြေသြဇာ မြေခံတွင် ဖြည့်သွင်းပေးပါ။

” ဒီဇင်ဘာလ အတွက် မာလာမြိုင်ရဲ့ စိုက်ပျိုးရေး နည်းလမ်း အကြံပြုချက် “

(၁) သက်လတ်နှင့် သက်ကြီးစပါးများကိုရိတ်သိမ်းရန်(၂)ပတ်အလိုတွင် ရေပြောင်လွှတ်ပါ။ ရိတ်သိမ်းပြီး ကောက်လှိုင်းများကို ကန်သင်များပေါ်ကြာရှည်ပုံမထားပါနှင့်။ တက်နိုင်သမျှ စက်ကိရိယာအသုံးပြု၍ အမိုးအကာအောက် အမြန်ဆုံးရောက်ရှိစေကာ ကြာရှည်သိုလှောင်ပါက အစိုဓါတ် ၁၃% ထက်မများရအောင် ထိန်းသိမ်းပြုပြင်ပါ။

(၂) သရက်ပွင့်များ နှင်းခါးရိုက်ခြင်းမှ သက်သာစေရန် နံနက်(၂း၀၀) နာရီမှ (၆း၀၀) နာရီအတွင်း မီးခိုးမှိုင်းအပြည့်တိုက်ပါ။ ကန့်နှင့်ထုံးပါသော ဆေးများပက်ဖြန်းထားပါ။ အပွင့်ကြွေမှုသက်သာစေရန် လစ်တိုဇင်ကိုသုံးစွဲပါ။ ကျွဲကော၊ သံပုရာ ၊ မာလကာ ၊ သဘောၤနှင့် နှစ်ရှည်သီးပင်များနှစ်ပတ်တစ်ကြိ်မ် ရေအပြည့်အဝလောင်းပါ။ အမြစ်ဇုန်တစ်ဝိုက် မြေကိုမကြာခဏ ဆွပေးပါ။

(၃) ပဲတီစိမ်း၊ မတ်ပဲသီးနှံများ၊ ပင်စည်ထိုးပိုး၊ ပွင့်ထွေးပိုး ၊ ပင်ဖြတ်ပိုးနှင့်ခါးရိရောဂါ၊ အမြစ်ပုတ်ရောဂါ ၊ ရွက်ပြောက်ရောဂါများ ကျရောက်တတ်သည်။ ကင်းထောက်စစ်ဆေး၍ ကာကွယ်နှိမ်နင်းပါ။ နေကြာသီးနှံကို နှစ်ပတ်သားမှစ၍ အပင်ကြီးထွားရွက်ဖြန်းများ ပက်ဖြန်းပါ။ ရေ (၄) ဂါလံ၊ ယူရီးယား (၅)ကျပ်သားရောစပ်ပြီး၊ အမြစ်ဇုန်တစ်ဝိုက်လောင်းပေးပါ။ ကြက်ချေးစုချိန်မှစ၍ အပွင့်အသီးအရွက်များပက်ဖြန်းပါ။

(၄) သဖင်ပန်းများ အရွက်ချချိန်ဖြစ်ပါသည်။ ပန်းစောစောပွင့်လိုပါက ဥစိမ်းများ ပေါ်ဟိုက်ပါပိုတက်၊ သိုင်အိုယူရီးယား၊ ဟိုက်ပါဟီးရိုးများ ပက်ဖြန်းအသုံးပြုပါ။ ပန်းပွင့်ချိန်နောက်ကျလိုပါက ဂျစ်ဘရယ်လင် ၊ ဘလက်ဂျိတ်များ ပက်ဖြန်းအသုံးပြုပါ။ ထိရောက်စွာအသုံးပြုနိုင်ရန် ပညာရှင်များနှင့် ဆွေးနွေးအကြံဉာဏ်ရယူပါ။ သစ်ခွ၊ ပိန်းပန်းများတွင် အုန်းဆ၊ ဖန်းခက်ခြောက်များ အပြည့်အဝ အလဲလှယ်ဖြည့်သွင်းပါ။ အပွင့်အသီးရွက်ဖြန်းမြေသြဇာ တစ်ပတ်နှစ်ကြိမ်သုံးစွဲပါ။ ဒန်ဒရိုနှင့်ကတ်တလီယာမျိုးများ တစ်နေ့တစ်ကြိမ် ၊ ဗင်ဒါမျိုးများ တစ်နေ့(၂)ကြိမ် ရေမှုန်ရေမွှားဖြန်းပေးပါ။

(၅) နှင်းဆီပင်များတွင် မန်ကျည်းရွက်ဆွေးနှင့် မြင်းချေးဆွေးများ အထူးပြုသုံးစွဲပါ။ ပင်ကိုင်းနှင့်ပွင့်ကိုင်းရရှိရန် စနစ်တကျကိုင်းဖြတ်ကိုင်းကူးပါ။ အိုးစိုက်ပန်းပင်များ (၂)နှစ်တစ်ကြိမ် မြေခံလဲလှယ်ပေးပါ။ အိုးကြီးနှင့်လဲလှယ်ပေးပါ။ ပင်ကပ် အနွယ်အိုးစိုက်သစ်ခွများတွင် ၄လက်မ အချင်းအိုးထက်မကြီးရ။ (၇) ပင်ထက်မပိုစေရ။ ပင်ပွားများလာပါက အိုးခွဲပေးပါ။

15355806_696680607157137_7110278937802218248_n

” ဆောင်းနှမ်း နှင့် ရေသွင်းနှမ်း စိုက်ပျိုးရေး အတွက် အကြံပြုချက် “

နှမ်းသီးနှံသည် မြန်မာ့ဆီထွက် သီးနှံ စိုက်ဧက ၏ ၄၉% စိုက်ပျိုးလျက်ရှိပြီး ဒုတိယအများဆုံး သီးနှံလည်း ဖြစ်ပါတယ်။ ဆီထွက်ရှိမှုတွင် ၅၀% မှ ၇၀% ထိရှိသည့် အတွက် ဆီထွက် အများဆုံး သီးနှံလည်း ဖြစ်ပါသည်။ ထို့ကြောင့် နိုင်ငံ၏ စားသုံးဆီလိုအပ်မှု ကို ဖြည့်ဆည်းပေးရန် အလားအလာ အကောင်းဆုံး သီးနှံ ဖြစ်ပါသည်။

” ဖြစ်ထွန်းရန် လိုအပ်သော ပြင်ပဂေဟ အခြေအနေများ ”

(က) မြေအမျိုးအစား – နုံးမြေ ၊ သဲနုံးမြေ ၊ မြေနီသဲဝန် ၊ နုံးစနယ်မြေ စသည့် မြေသြဇာ ထက်သန်သော မြေဖြစ်ရပါမယ်။

(ခ) မြေချဉ် ၊ ငံကိန်း – PH ၅.၈ မှ ၇ ( အနည်းငယ်အငံဖက်ကို ပိုကြိုက်သည်။)
(ဂ) မိုးရေချိန် – သီးနှံ ရာသီအတွင်း ၂၀” ပြန့်နှံရွာသွန်းရမည် ။ သို့မဟုတ် ၂ ကုဗပေ ရေပေးသွင်းပေးရမည်။ အစိုဓာတ် မပြတ်စေရပါ။ သို့သော် ရေဝပ်ရေလွှမ်းမှု မရှိစေရပါ။
(ဃ) အပူချိန် – ၂၀* C ( ၆၄*F) မှ ၂၅* C (၈၀*F ) အပူကြိုက် သီးနှံဖြစ်သည် ။ ၂၀* အောက်တွင် အပင် ဖြစ်ထွန်းမှု ပွင့်သီးမှုကို ထိခိုက်လာပါမည်။

” စိုက်ပျိုးနိုင်သော ကာလများ ”

(က) မိုးကြို – ဖေဖော်ဝါရီလ – မတ်လ ( တပို့တွဲ -တပေါင်း )
( ရေသွင်းနှမ်း ) အောက်မြန်မာပြည်တွင် မိုးလေလွတ်ရန် နှမ်းလျင် မျိုးများ စိုက်သင့်သည်။ ရေသွင်းစိုက်ပျိုးရန် လိုအပ်ပါသည်။
(ခ) မိုး – မေလ -ဇွန်လ ( ကဆုန် – နယုန် )
(ဂ) ဆောင်း – စက်တင်ဘာလ မှ ဒီဇင်ဘာ ( တော်သလင်း မှ နတ်တော် )
( နွေနှမ်း ) အထက်မြန်မာပြည် အေးလွန်းသော ဒေသမှာ နှမ်းလျင်မျိုးများ မစိုက်သင့်ပါ။

 

“အောက်တိုဘာလ အတွက် မာလာမြိုင်ရဲ့ စိုက်ပျိုုးရေး အကြံပြုချက် “

(၁) ရေကြီးရေလျှံမှုကြောင့် ထုတစ်ပေအထက် သဲနုံးနှင့် နုံးဖုံးသေများ မူလရေဆင်းရေဝင်ရေထွက်ပေါက်များအား ပြန်လည်ဖွင့်လှစ်သန့်ရှင်းပါ။ မြေထန့်ပြီဆိုလျှင် မြေပြုပြင်ခြင်း၊ စူးထိုးစနစ်ကျင့်သုံးခြင်းဖြင့် အရွက်နှင့်ပင်ကြွင်းများသော သီးနှံများဖြစ်သည့် နေကြာ၊ ပြောင်း ၊ ပဲမျိုးစုံ၊ ခရမ်း ၊ ငရုတ် ၊ ရုံးပတီစသည့် သီးနှံများစိုက်ပျိုးပါ။ အပင်ခြေတစ်ဝိုက် စက်ဖွဲပြာ၊ ကြက်ချေး ၊ နွားချေးဆွေး၊ ရွာထွက်အမှိုက်ဆွေးများကို ထုံးမှုန် ့၊ ကျောက်မှုန့်ကွန်ပေါင်းမြေသြဇာများဖြင့် ရောစပ်မြေဆွဖြည့်တင်းပေးပါ။ အပင်(၁၀)ရက်သားမှစ၍ (၃၅)ရက်သားအထိ အပင်ကြီးမြန်ရွက်ဖြန်းနှင့် နောက်ပိုင်းအပွင့်အသီးအားပေးမည့် ရွက်ဖြန်းမြေသြဇာများ၊ ဇီဝစူပါ ၊အီးအမ်အိုင် အမ်၊ ချိတိုဇင်များ ၁ ပတ်မှ ၁၀ရက်ခြားတစ်ခါ ပက်ဖြန်းပေးပါ။ ဖုံးလွှမ်းသောမြေများတွင် အပင်အတွက် အဓိကအာဟာရများ ၊ သြဂင်းနစ်နှင့် အနုဇီဝပိုးများ မပါရှိသည်ကိုသတိပြုဖြည့်တင်းပါ။ သို့သော် အနည်းလို အာဟာရများပါဝင်လာသဖြင့် စိုက်ပျိုးမြေကို ပိုမိုအကျိုးရှိစေပါတယ်။

(၂) ထုတစ်ပေအောက်ဖုံးလွှမ်းခံရပြီး စပါးသီးနှံစိုက်ပျိုးထားသောလယ်မြေများ၊ ရေသွင်းရေထုတ်မကြာမကြာလုပ်ပြီး တမန်းနှိုးပေးပါ။ ရွက်လိပ်၊ ရွက်ခေါက် ၊ ပိုးလောင်းမီး ၊ ကြက်သွန်မြိတ်နှင့်ဆစ်ပိုး နီမတုတ်နှင့်မှိုရောဂါများ ကင်းထောက်ကာကွယ်နှိမ်နင်းပါ။ ယူရီးယားနှင့် တိရိစ္ဆာန်ချေးဆွေး ၁း၃ ရောစပ်နှပ်ပြီးပက်ကြဲပေးပါ။

(၃) အရွက်အကိုင်းအားအလွန်ကောင်းနေသော ဥယျာဉ်ခြံသစ်သီးပင်များအား အရွက်အကိုင်းငယ်များ ၊ ၂၀% မှ ၃၀% ချွေချပစ်ပါ။ ပင်အိုသရက်များ ပင်စည်ကိုဓားထစ်ပေးပါ။ ပင်စည်ပတ်လည် ဓားရာမဆက်မိအောင်သတိပြုပါ။

(၄) စပါးသီးနှံတွင် ကစီရည် ၈၀% ပြည့်ပြီးသော အသက်ရက်မှီစပါးမျိုးများအား ရင့်မှည့်မှုညီညာရန်နှင့် ရိတ်သိမ်းရလွယ်ကူရန် ရေပြောင်လွှတ်ပါ။ နှံစုတ်ပိုး ၊ နှံဖြတ်ပိုး ၊ မှိုရောဂါ ၊ ဘက်တီးရီးယားရောဂါများ ၊ ကင်းထောက်စစ်ဆေး၍ ကာကွယ်နှိမ်နင်းပါ။

(၅) မိုးသီးနှံပဲ ၊ ပြောင်း ၊ နေကြာ ၊ ဂျုံ ၊ နှမ်းရိတ်သိမ်းပြီးပါက အဖျင်း ၊ အမှော်နှင့် အစိုဓါတ်သန့်ရှင်းကုန်စင်အောင် ဆောင်ရွက်ပါ။ ဝါသီးနှံများအပွင့်အားကောင်းရန် အပွင့်အသီးအားပေးသည့် ရွက်ဖြန်းမြေသြဇာများ ပက်ဖြန်းဖြည့်တင်းပါ။ ကြံသီးနှံပင်များ အပင်ရှည်ထွက်ရန် ဂျီအေဂိုး ၊ ဟော်မုန်းပက်ဖြန်းအသုံးပြုပါ။ မြေခံအဖြစ် ကွန်ပေါင်း ၊ တီစူပါ ၊ ပိုတက် ၊ မဂ¾နီဆီယမ်ဆာလ်ဖိတ် ဓါတ်မြေသြဇာများဖြည့်တင်းပေးပါ။