ကျရောက်တတ်သော ရောဂါများ
Knowledge
ဖျက်ပိုးကောင်လေးများ
ခရမ်းချဉ်သီးစိုက်ပျိုးနည်း
ခရမ်းချဉ်သီးစိုက်မယ်ဆိုရင် ဒီအချက်လေးတွေသိထားသင့်တယ်။
နွေးသောရာသီဥတုမှ စိုက်ပါ။ ပူလွန်းအေးလွန်းရင် အပင်ပေါက်ဖို့ ခဲရင်းပါတယ်။ ရေကို မနက်ပိုင်းလောင်းပေးပါ။
ပျိုးထောင်ခြင်း
ခရမ်းချဉ်စေ့ကို ပျိုးမယ်ဆိုရင် ပျိုးဘမ်း (သို့) ရေမဝပ်တဲ့နေရာမှာ မြေဆွေး၊စက်ဖွဲပြာတို့ထည့်ပြီး ပျိုးနိုင်ပါတယ်။
စိုက်ပျိုးခြင်း
ပျိုးသက် တလ၊ တလခွဲလောက်ကြာရင် အစိုဓာတ်လုံလောက်တဲ့ စိုက်ခင်းမှာ ပြောင်းစိုက်နိုင်ပါပြီ။
အပင်ပြုစုခြင်း
စိုက်ပျိုးပြီး (၂)ပတ်လောက်ကြာရင် ပင်ခြေမြေဆွပြီး မြေတောင်မြှောက်ပေးပါ။
အရင်ထွက်လာတဲ့ ဘေးတက် ၂ကိုင်း၊ ၃ကိုင်းလောက်ကို အသီးကိုင်းအဖြစ် ချန်ထားပြီး ကျန်တဲ့အောက်က ဘေးတက်တွေကို ဖြတ်ပြစ်ပါ။
ကျရောက်နိုင်တဲ့ပိုးတွေကတော့ လှေးပိုး၊ ပျပျိုး၊ ယင်ဖြူနှင့် သီးလုံးဖောက်ပိုးတွေပါ။
ပိုးသတ်ဆေးအဖြစ် အမ်-ဖိတ်၊ အမ်-ဒိုင်မီတို့ကိုအပင်သက် တစ်လခွဲသားအထိ သုံးနိုင်ပါတယ်။ တစ်လခွဲကျော်သွားရင်တော့ အမ်-ကလိုရိုဆိုက်ပါ၊ အမ်-ပါရီဖော့(စ်)၊ ဒီစစ်တို့ကို သုံးနိုင်ပါတယ်။ ခူးဆွတ်ကာနီး တစ်ပတ်အလိုဆိုရင်တော့ အမ်-ဘာမက်တင်၊အမ်-သိုက်အိုကဒ်တို့ကိုသုံးစွဲနိုင်ပါတယ်။ ခူးဆွတ်ရန် ၂ရက်၊ ၃ရက်အလိုမှာတော့ ပရီဗာသွန်ကိုသုံးနိုင်ပါတယ်။
သတိထားရမယ့် ရောဂါတွေကတော့ လောင်မည်း၊ ထိပ်ပုတ်၊ခါးရိရောဂါများကျရောက်တတ်ပြီး ဒီရောဂါတွေအတွက် အပင်ငယ်စဉ် အမ်ဒါဇင်၊ဘူဆန်စသည့် ဆေးများအသုံးပြုပါ။ ပင်သက်(၁)လမှ (၁)လခွဲကျော်လျှင် အမ်အိုဇေး၊မမ်ကိုဇက်၊အမ်ဟက်ဇာဆေးတို့ကိုသုံးနိုင်ပါတယ်။ စွတ်ခူးဖို့ (၇)ရက်အလိုမှာ ကျခဲ့ရင် ဘဲလီဆိုက်ဆေးများကို သုံးစွဲကာကွယ် နှိမ်နင်းနိုင်ပါတယ်။
မြေဩဇာထည့်သွင်းခြင်း
မြေဩဇာများအနေနဲ့ ခရမ်းချဉ်တစ်ဧကမှာ နေရွက်လှ (၁၅-၁၅-၁၅ (သို့)၁၆-၁၆-၁၆)(၁/၄အိတ်)၊ယူရီးယား(၁/၄အိတ်)၊တီစူပါ(၁/၄အိတ်)၊ပိုတတ်(၁/၄အိတ်) တို့ကိုရောစပ်သုံးနိုင်ပါတယ်။
ခူးဆွတ်ခြင်း
ဆွတ်ခူးမယ်ဆိုရင်တော့ ပို့ဆောင်ရောင်းချမယ့်နေရာအပေါ်မူတည်ပြီး အသီးအရောင်ကိုကြည့်၍ဆုံးဖြတ်ပါ။ အဝေးပို့လျှင် အစိမ်းမှအစိမ်းရောင်ဖျော့၍အဖြူဘက်သမ်းလာချိန်တွင် ခူးပါ။ အနီးဆိုလျှင် အဝါသမ်းချိန်တွင်ခူးပါ။
စိုက်ခင်း၊ စပါးခင်းတွေထဲက ခရုနှိမ်နင်းနည်း
အခုတလော မိုးတွင်းဆိုတော့ ခရုတွေ ပေါပြီး စပါးခင်း နဲ့စိုက်ခင်းတွေကို ကိုက်ဖျက်စားသောက် ဖျက်ဆီးပြီး တော်တော် ဒုက္ခပေးနေတယ်လို့ သိရပါတယ်။ ဒါကြောင့် မာလာမြိုင်မှ ခရုနှိမ်နင်းနည်းနဲ့ပတ်သက်ပြီး မျှဝေလိုက်ပါတယ်။
ခရုတွေဟာ စိုစွတ်တဲ့ အချိန်မှာ ထွက်တက်ကြပါတယ်။ အစားစားတဲ့ အချိန်က ညနေ၅နာရီနဲ့ ညနေ ၇နာရီ ခွဲနဲ့၈နာရီကြားမှာ လာစားကြတက်ကြပါတယ်။
ပထမဆုံး လူအားနဲ့နှိမ်နင်းမယ်ဆိုရင် မြေကြီးကို စိုသွားအောင်ရေဖြန်းပေးရပါမယ်။ ခရုတွေ လာလေ့ လာထ ရှိတဲ့ နေရာမှာ ငှက်ပျောခွံ ၊ နာနတ်ခွံ သရက်ခွံ ၊ ပိန္ဒဲခွံ စတဲ့ အနံ့မွေးတဲ့ အသီးခွံတွေကို အပိုင်းအစလေးတွေ လုပ်ပြီး ချထားပေးလိုက်ပါ။ နာရီဝက် တစ်နာရီကြာရင် သူတို့လာစားပါလိမ့်မယ်။ အဲ့ဒီအချိန်ကျရင် ညှပ်နဲ့ဖြစ်စေ လက်နဲ့ဖြစ်စေ ကောက်ပြီး ဖမ်းလို့ရပါတယ်။
ဒုတိယ တစ်နည်းကတော့ စိုက်ခင်းပတ်ပတ်လည်ကို ဝါယာကြိုးဟောင်းတွေထဲက ကြေးဝါ ကြေးနီတွေကို ခွဲထုတ် ။ အဲ့ဒီကြိုးလေးတွေကို ကာထားမယ် ဆိုရင် သူတို့ မလာရဲတော့ပါဘူး။
နောက် တစ်ခုကတော့ ဓာတုနည်းနဲ့ကာကွယ်တာပေါ့။ မျှားစာနဲ့သုံးတာပေါ့။ မာလာမြိုင်ရဲ့စီပူတော့ ခရုပတ်ကျိသတ်ဆေး ကို ခရုရှိတဲ့ နေရာတွေမှာ ၈ပေပတ်လည်အတွင်း ဆေးကို နှစ်ပုံ သုံးပုံလောက် ပုံထားပေးလိုက်ပါ။ သူတို့ လာစားပြီးရင် သေပါတယ်။
ကြေးနီဓာတ်ပါတဲ့ ဓာတုဆေးတစ်ခုဖြစ်တဲ့ အမ်ဖိုဆိုက် ကို သုံးလို့လည်း ရပါတယ်။ ရေတစ်ဂါလံမှာ ၁၀ ဂရမ်နှုန်း ဆေးဖြန်းပုံမှာထည့်ပြီးတော့ သမအောင် ရောစပ်ပြီး ပက်ဖြန်းပေး။ ဖြန်းတဲ့ နေရာမှ ခရုတွေအပေါ်လည်း ဖြန်း ၊ ခရုသွားလမ်းမှာလည်း ဖြန်း ရပါတယ်။ ခရုများ ခိုအောင်ရာ အုပ်ပုံ ၊ အုပ်ကျိုးများအောက် ၊ အမှိုက်ပုံများအောက် ၊ အလင်းရောင်နည်းပြီး အစိုဓာတ်များသော နေရာတွေကို နှံ့နှံ့စပ်စပ် ဖြန့်ပေးလို့ရပါတယ်။
စပါးခင်းမှာ ဆိုရင်တော့ ..
စပါးစိုက်ပြီးသားဆိုရင် အမ်ဖိုဆိုက်ကို သုံးပေးလို့ရပါတယ်။ စပါးမစိုက်ရသေးဘူး စိုက်ခင်းပြင်ထားသုံးရှိသေးတယ် ဆိုရင် မော့(စ်)တော့ သုံးပါ။ ဥယျာဉ်သမားနဲ့ခြံသမားတွေဆိုရင်တော့ စီပူတော့ကို သုံးပေးရပါတယ်။
ယခု အကြံပြုချက်ကို မာလာမြိုင်ရဲ့စိုက်ပျိုးရေး နည်းပညာရှင် ဆရာဦးသန်းဝင်း မှ ကူညီဖြေကြားပေးထားပါတယ်။